+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы облысы Қарасай ауданының Мемлекеттік кірістер басқармасы өкілі "Алтын Орда базары" ЖШС неге таратылғанын түсіндірді, - деп хабарлайды Tengrinews.kz тілшісі.
Алматы облысы Қарасай ауданының Мемлекеттік кірістер басқармасы өкілі "Алтын Орда базары" ЖШС неге таратылғанын түсіндірді, - деп хабарлайды Tengrinews.kz тілшісі.
Бұған дейін БАҚ-та "Алтын Орда базары" Қарасай ауданы салық департаментінің арызы бойынша Алматы облысының ауданаралық экономикалық соты шешімімен таратылғаны туралы ақпарат тараған болатын.
Мемлекеттік кірістер басқармасы басшысының орынбасары Анарбек Сейітов ЖШС таратылғанын, себебі компания ешқандай әрекет етпегенін айтты.
"Салық кодексінің 93-бабына сәйкес "Алтын Орда базары" ЖШС мәжбүрлі түрде таратылуы тиіс еді. ЖШС есеп бермеген, экспорт-импорт операцияларын жүргізбеген. Сондықтан сотқа бердік.
Барлығы жұмыс істеп тұрған "Алтын Орда" базары деп ойлады. Іс жүзінде оның меншік иелері - басқа ЖШС. БАҚ-тан оқыдым, бірақ бұл - жай ғана атау. 93-бап бойынша олар сотқа мәжбүрлі тарату туралы өтініш берді, шешім шықты.
Базар жұмыс істейді, онда басқа да кәсіпорындар бар. Базарға KURYLYS LTD ЖШС және Altyn Orda Qaz Trade Ltd ЖШС иелік етеді. "Алтын Орда базары" ЖШС бұрын базарды басқарған, оның құрылтайшылары 2000 жылдардың басында базар иелері болған. Компания үш жылдан аса уақыт жұмыс істеп келеді", - деді Қарасай ауданы бойынша Мемлекеттік кірістер басқармасы басшысының орынбасары Анарбек Сейітов.
Сондай-ақ, ол жыл сайын басқарма салық есебін ұсынбайтын, салық төлемдерін, импорт, экспорт операцияларын жүзеге асырмайтын компаниялар тізімін жинайтынын айтты. Егер компания талап қою мерзімі бойынша, яғни үш жылдан аса есеп бермесе, мәжбүрлі түрде таратылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
