Самат Әбіш ҰҚК төрағасының бірінші орынбасары қызметінде қалды, - деп хабарлайды Tengrinews.kz тілшісі.
Бұл туралы ведомствоның баспасөз қызметінің өкілі мәлімдеді.
"Келіп түскен сұраныстарға байланысты Самат Әбіш ҰҚК төрағасының бірінші орынбасары қызметінде екенін хабарлаймыз. Қазір ол жыл кезекті еңбек демалысында", - делінген хабарламада.
Кейінірек ҰҚК сайтындағы хабарлама нақтыланғаны белгілі болды. Самат Әбіш 13 қаңтардан бастап жыл сайынғы еңбек демалысында.
Еске салайық, 5 қаңтарда Мұрат Нұртілеу Президент Әкімшілігі басшысының орынбасары қызметінен босатылып, Қазақстан Республикасы Ұлттық қауіпсіздік комитеті төрағасының бірінші орынбасары болып тағайындалған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
