+7 (777) 001 44 99
Қазақша
Русский
English
Алматыда самокат мінген екі ер адам жол қиылысына сыймай, төбелес шығарды. Оқиға видеоға түсіп қалған, - деп хабарлайды Tengrinews.kz тілшісі.
Оқиға қалай болған?
Самокат мінгендердің төбелесі түсірілген видео әлеуметтік желілерде жарияланды. Кадрларда екі ер адамның жаяу жүргіншілер жолында бір-бірімен соғылып қала жаздағаны көрінеді. Оқиға жанжалға ұласып, кейін ер адамдар дауды жұдырықпен шешуді ұйғарған. Төбелеске жаяу жүргіншілер араласуға мәжбүр болды.
Полиция пікірі
Алматы Полиция департаменті жанжалға қатысушылар іздестіріліп жатқанын хабарлады.
"Жаяу жүргіншілер жолында төбелес ұйымдастырғандар ұсталып, заңның қатаң талабына сәйкес жауапқа тартылады. Әрқайсының әрекетіне құқықтық баға беріледі. Мұндай тәртіпбұзушылықтарға жол беруге болмайды деп санаймыз", – деп мәлімдеді полиция өкілдері.
Еске салайық, 11 қыркүйекте Алматыда қазанның аяғына дейін электрсамокаттарға арналған пилоттық тұрақтар іске қосылатыны белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
