"Самұрық-Қазына" ұлттық әл-ауқат қоры төрт елдегі өкілдігін жабады, - деп хабарлайды Tengrinews.kz тілшісі.
Қордың Жұртшылықпен байланыс департаментінің директоры Марат Мұхамедсалиевтің айтуынша, сөз төрт қала туралы - Дубай, Лондон, Бейжің және Мәскеу.
Айта кетейік, "Самұрық-Қазына" қорының жаңа ұйымдық құрылымы бекітілгені хабарланған болатын. Оған сай қор қызметкерлері саны екі есеге қысқаратыны белгілі болды. Сондай-ақ, "Самұрық-Қазына" ұлттық әл-ауқат қорының төрт еншілес компания басшыларының өкілеттігі тоқтатылды.
21 қаңтарда Нұр-Сұлтанда өткен кәсіпкерлермен кездесуде Қасым-Жомарт Тоқаев "Самұрық-Қазына" қорын түбегейлі реформалау қажет екенін айтқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!