+7 (777) 001 44 99
Қазақша
Русский
English
Селдің салдарын жоюға тағы 130 жауынгер тартылды, - деп хабарлайды Tengrinews.kz тілшісі Қазақстан Республикасы Ұлттық ұланы "Оңтүстік" өңірлік қобасшылығының қоғаммен байланыс жөніндегі офицері Дархан Мұқановқа сілтеме жасап.
Олардың негізгі бөлігі мектептердің ауласын лайдан тазалап, қалпына келтірумен айналысып жатыр. Дархан Мұқановтың айтуынша, 140 жауынгер апат аймағында қоғамдық тәртіп пен қауіпсіздікті қадағалайды. Сонымен қатар, осы күнге дейін апат орнында 200 ден астам жауынгер жұмыс істеді, олардың қатарына бүгін тағы 130 жауынгер қосылып отыр. "26 шілдеде Ұлттық ұлан жауынгерлерінің күшімен Наурызбай ауданындағы №187, 188 орта мектептердің аумағын тазалау жұмыстары жүргізілді. Әскерилер 1155 текше метр лай шығарып, жертөлелерде 72 текше метр аумақты судан тазартты. 50 метр арық пен 500 метрден астам жолды ашты", - деді ол.
