1. Басты
  2. Біл
  3. Жаңалықтар
  4. Ел жаңалықтары

Семейде автобус жүргізушілері жұмысқа шығудан бас тартты10 тамыз 2020, 18:10

Фото: Іnstagram.com/oo_osa_semey_vko Фото: Іnstagram.com/oo_osa_semey_vko

Семейде автобус жүргізушілері жалақы төленбегендіктен жұмысқа шығудан бас тартты, - деп хабарлайды Tengrinews.kz тілшісі.

"Бүгін сағат 6.30-да SEMEY BUS ЖШС-ға тиесілі 104 рейстің көлігі шығу керек еді. Алайда автобус паркінің жүргізушілері жұмысқа шығудан бас тартқаны белгілі болды", - деді Семей жолаушылар көлігі және автомобиль жолдары бөлімінің басшысы Серікқали Жұманов.

Оның айтуынша, жүргізушілер шілде айының жалақысын толық төлеуді талап еткен. Карантин шараларына байланысты олардың айлығы жұмыс сағаттарын қысқарту түрінде төмендетілген. Олар бұған келіспей, толық төлеуді талап еткен.

Кондуктордың көбі электрон төлем жүйесі енгізілгеннен кейін қысқартылған. Бірақ кейде жүргізушілер кондуктордың жұмысын атқарады. Олар сол үшін қосымша ақы талап етті.

Посмотреть эту публикацию в Instagram

Праздник к нам приходит!!!

Публикация от Общественное Объединение ОСА (@oo_osa_semey_vko)

Жұманов SEMEY BUS ЖШС басшылығымен кездескенін және келісімге келгені туралы айтты.

"Жақын арада бар мәселе шешіледі. Жалақы, медициналық сақтандыру сұрақтары. Автопарк басшылығы мұның бәрін назарға алды. Олармен сөйлестік. Автопарк басшылығы мәселелерді шешу үшін 10 күн уақыт беруді сұрады", - деп қосты шенеунік.

Оның айтуынша, қоғамдық көлік қайта жүре бастаған.

"30 автобус жолға шықты. Әр сағат сайын автобустар қосылып жатыр", - деді ол.

Қазақстан жаңалықтары. Соңғы жаңалықтар. Telegram желісінде бізге жазыл!