+7 (777) 001 44 99
Қазақша
Русский
English
Қазақша
Русский
English
Сенаторлар адвокаттық қызмет және заң көмегі туралы заң жобасына түзетулер мен өзгертулер енгізіп, Мәжіліске қайта жіберді, - деп хабарлайды Tengrinews.kz тілшісі.
Парламенттің жоғарғы палата депутаттары "осы заңның кейбір нормаларына қатысты қоғамда айтылған пікірлерді ескере отырып" түзетулер енгізілгенін айтты.
Сенаторлар бұрын заң кеңесшісі мәртебесін алу үшін кейбір үміткерге заңдарды білу деңгейін анықтайтын тестілеуден өтуді алып тастау рұқсат етілген норма дұрыс емес екенін айтып, ол ережені алып тастады.
"Бұл заң жобасы бойынша механикалық жұмысты орындайтын әділет органының қарапайым маманы да атестаттаудан өтпейтін болып шықты. Сонымен қатар, мұндай маман атақартын жұмыс сарапшыларға қойылатын талаптардан әлде қайда жоғары", - деп түсіндірді сенаторлар.
Сонымен қатар, олар декреттік демалыста немесе бала күтімінде жүрген заң кеңесшілерін жарна төлеуден толық босатуды ұсынды. Сенаторлардың пікірінше, уақытша еңбекке жарамсыздығына байланысты қатарынан екі айдан артық жұмыс істемейтін адвокаттар жарна төлемеуі керек, ал ауылдық жерлердегі кеңесшілере депутаттар 50 пайыздық жеңілдік беруді ұсынды.
"Заң жобасы азаматтардың құқықтарын қорғау кепілдігін арттыруға, қылмыстық процесте тараптар құқығын тең сақтауға, қорғаушы және заң кеңесшілері институттарын жетілдіруге оң ықпал етеді деген үмітте", - деді сенатор Ләззат Сүлеймен.
Бұған дейін президент Қасым-Жомарт Тоқаев депутаттарға сот процесінде прокурор мен адвокат теңдігін қамтамасыз ету туралы өтініш жасағаны хабарланған еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
