+7 (777) 001 44 99
Қазақша
Русский
English
Орталық сайлау комиссиясы 12 тамызда өтетін сайлауға Сенат депутаттығына кандидаттардың қорытынды тізімін бекітті, - деп хабарлайды Tengrinews.kz тілшісі.
Ақпарат бойынша, 2020 жылы 23 шілдеде сағат 18-дегі жағдай бойынша облыстардың, Нұр-Сұлтан, Алматы және Шымкент қалаларының сайлау комиссиялары Қазақстан Республикасы Парламенті Сенаты депутаттарының 17 мандатына 94 ұсынылғандардан 58 кандидатты тіркеді. Орташа есеппен бір орынға 3 адам үміткер. Өңірлер арасында ең көп кандидат саны Нұр-Сұлтан қаласында және Ақмола облысында – 5 адам тіркелген.
Тіркелген үміткерлердің ішінде 48 (82,8 пайыз) ер мен 10 (17,2 пайыз) әйел (салыстыру ретінде: 2017 жылы 47 (90,7 пайыз) ер мен 5 (9,3 пайыз) әйел, 2014 жылы 51 (96,1 пайыз) ер мен 2 (3.9 пайыз) әйел).
Қазақстан Республикасы Орталық сайлау комиссиясының Төрағасы Берік Имашев әйелдердің саяси белсенділігі сақталып келе жатқанын атап өтті. Тіркелген кандидаттар арасында - 10 әйел, бұл 17,2 пайыз. Өткен сайлау науқанымен салыстырғанда бұл көрсеткіш 2 есеге дерлік өсті.
Мамандықтар бойынша: 19 – инженер, 13 – экономист, 8 – педагог, 7 – аграрлық сала қызметкерлері, 5 – дәрігер, 3 – заңгер, 1 – саясаттанушы, 2 - басқалар.
Кандидаттар арасында 21 коммерциялық құрылымдардың қызметкері; 16 мемлекеттік ұйымдардың, кәсіпорындар мен мекемелердің қызметкері; 12 мемлекеттік қызметші, 5 қоғамдық ұйымдардың өкілі, 4 Сенат депутаты бар.
"23 шілдеде сағат 18-ден бастап Сенат депутаттығына тіркелген барлық үміткер сайлау алдындағы үгітті бастай алады, ол биылғы 11 тамызда сағат 00.00-ге дейін жалғасады.
Сенат депутаттығына кандидаттарға үгіт жұмысын жүргізу тең жағдайда өтуіне заңнама кепілдік береді", - делінген хабарламада.
Қазақстан жаңалықтары. Соңғы жаңалықтар. Telegram желісінде бізге жазыл!
