+7 (777) 001 44 99
Қазақша
Русский
English
ҚР Парламенті Мәжілісінің депутаты Мәулен Әшімбаев азаматтардың уақытша тіркеуі туралы жағдайға пікір білдірді, - деп хабарлайды Tengrinews.kz тілшісі.
Оның айтуынша, қоғамда дүрлігу заң нормасын сапасыз жүзеге асырудан шыққан. "Құқық қорғау органдары, жергілікті әкімдіктер, Халыққа қызмет көрсету орталықтарының үстінен қарайтын "Азаматтарға арналған үкімет" корпорациясы заңды сапалы түрде орындауы керек болған. Бірақ заңның сапалы жүзеге асырылмағанын айту керек. Шенеуніктер заңды орындау бойынша ескерту әрекеттерін қолданған жоқ. Яғни елде болып жатқан оқиғалардың жетегінде кетті. Олар оқиғалардың жетегінде кетпей, ескерту әрекеттерін жасауы керек еді. Осы заңды орындауда атқарушы органдардың тарапынан тиімді жұмыс жүргізілмеді. Заң желтоқсан айының соңында қабылданды, сәйкесінше түсіндіру жұмыстарын жүргізуге уақыт болған, Халыққа қызмет көрсету орталықтарының осы бағытта жұмыс істеуге уақыты бар еді. Тіркеуді оңтайландыратын, Интернет мүмкіндіктерін белсенді қолданатын механизмдер жасалуы тиіс еді", - деді мәжілісмен.
Мәулен Әшімбаев уақытша тіркеу туралы шу шығарған заңның қазақстандықтардың елде көшіп-қонуына шектеу қоймайтынын атап өтті.
"Мұнда заңның азаматтарымыздың қауіпсіздігін қамтамасыз етуге бағытталғанын және жүріс-тұрысқа шектеу қоймайтынын есеп алу керек. Сондықтан осы заңды жасағандар - үкімет, Мәжіліс пен Сенат депутаттары азаматтарымызды түрлі проблемадан, қауіп қатерлерінен қорғайтын заңды қабылдады (...). Осы заңды талқылау кезінде депутаттар, жұмыс топтары үкіметтік емес ұйымдармен, қоғамдық ұйымдармен, Парламентке өтпеген саяси партиялармен белсенді әрекеттесті. Отырысқа шақырылған жұмыс тобының мүшелері, мамандар, азаматтық сектордың өкілдері бұл заңның негізгі параметрлерін қолдады. Заң жобасы талқылау кезеңінде қауіпсіздік пен әріптестік жөніндегі ұйымыға (ЕҚӘҰ) да жіберіліп, сол ұйымның мамандары бұл заңды қарап, қолдау білдірген", - деді депутат.
Еске сала кетейік, кеше Үкімет басшысы ҚР ішкі істер министрі Қалмұханбет Қасымовты уақытша тіркеуге байланысты туған дүрлігу үшін сынға алған болатын. "Тағы бір мәселе - азаматтарды уақытша тіркеуді енгізу". ХҚКО-ларда қандай жағдай болып жатқанын көріп отырмыз. Мәлімет аз, сұрақ көп. Біздің меморгандар түсіндіргісі келеді, бірақ халық оны қабылдамай жатыр", - деген еді Сағынтаев.
