+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ресей СІМ басшысы Сергей Лавров Қазақстан Президенті жайлы "Хабар" агенттігі түсірген "Преодоление" деректі фильмінде Қасым-Жомарт Тоқаев туралы ойын айтты, - деп хабарлайды Tengrinews.kz тілшісі.
Ресей СІМ басшысы Сергей Лавров Қазақстан Президенті жайлы "Хабар" агенттігі түсірген "Преодоление" деректі фильмінде Қасым-Жомарт Тоқаев туралы ойын айтты, - деп хабарлайды Tengrinews.kz тілшісі.
Лавров сұхбатында Тоқаев Ресей мен Қазақстан арасындағы одақтастық қатынастарға тікелей үлес қосқанын атап өтті.
"Қазақстанның Тұңғыш Президенті Нұрсұлтан Әбішұлы Назарбаев бастаған біздің одақтастық қатынастарымыздағы, стратегиялық әріптестік байланыстарындағы үдерістерді лайықты жалғастырып келе жатқан Тоқаев тікелей үлес қосты. Тұңғыш Президент қазір Путин мен Тоқаевтың басшылығымен дамып келе жатқан қазіргі одақтастығымыздың негізін қалап қана қойған жоқ. Сонымен қатар, Нұрсұлтан Әбішұлы Еуразиялық интеграциялық үдерістің негізін қалады. Біз қазір байланысты, инфрақұрылымның тармақталуын, логистикалық тізбектерді неғұрлым тиімді қамтамасыз етуге мүмкіндік беретін қатынастарды дамытып жатырмыз - мұның бәрін бірлесіп жасау әлдеқайда тиімді", - деді Сыртқы істер министрі.
Лавровтың айтуынша, Қасым-Жомарт Тоқаев жоғары лауазымына қарамастан өзін жоғалтпады.
"Ол өз кәсібіне, еліне адал достарына сенетін адам болып қала берді. Мен онымен ұзақ жылдар бойы, министр болмай тұрып министрлікте жұмыс істеген жылдардан танимын. Ол министр болғанда біздің қарым-қатынасымыз тұрақтанды: сапарлар, келіссөздер, сенімді консультациялар. Содан кейін, ол Сенат төрағасы болғанда, мен Астанаға әр келген сайын ресми қабылданатынмын. Бұл маған ерекше рахат сыйлайтын, өйткені әңгімеміз әрқашан ашық еді, стандарт я үстірт болмайтын", - деп еске алды Лавров.
Ол Қазақстан Президентінің өз борышы мен ел халқына адал екенін де айтты.
"Ең алдымен, бұл өз міндетіне, халқына, Отанына деген жоғары адалдық - бұл әзіл емес. Бұл асыра айтылған сөздер емес. Бұл біз көріп отырған нәрсе. Қасым-Жомарт Кемелұлын білетіндердің бәрі осы жоғары қасиеттерін айтады. Екіншісі - білгірлігі, шет тілдерін жетік меңгеруі, халықаралық мәселелер мен, ең бастысы, өз елін жақсы білуі", - деді Ресей СІМ басшысы.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
