+7 (777) 001 44 99
Қазақша
Русский
English
Қарағанды облысының Шахтинск қаласында карантиндік шаралар күшейтіледі, - деп хабарлайды Tengrinews.kz тілшісі. Қала бойынша бес блок-бекет орнатылады.
Карантиннің қатаң шарттары Шахтинск қаласында 12 сәуір күні сағат 00.00-ден бастап күшіне енеді. Тұрғындарға жеке автокөлік қолдануға, қалаға кіріп-шығуға тыйым салынады. Сондай-ақ таксиден басқа қоғамдық көлік қозғалысы тоқтатылады. Бұл ретте таксистерде ресми тіркеу және көліктерінде арнаулы белгі мен жеке қорғану құралдары болуы тиіс. Күн сайын таңертең оларды медицина қызметкерлері температураның бар-жоғына мұқият тексереді.
Автомобильдер да дезинфекциялаудан өтеді. Оны сапардан кейін сағат сайын жасау керек. Жолаушыларды тек бір адамнан тасымалдауға рұқсат етіледі. Баласы болса жананда алып жүруге болады. Жолаушыға арналған орын - жүргізушінің жаны.
"Шахтинск қаласында вирус жұқтырғандардың көрсеткіші 10 мың тұрғынға шаққанда бір жағдайдан асты. Онда барлығы жеті жағдай тіркелген. Сондықтан онда бірыңғай карантиндік аймақ енгізіледі", - деп хабарлады Қарағанды облысының санитарлық дәрігерлері.
Сондай-ақ, аймақта ломбард пен айырбастау пункттерінің қызметі тоқтай тұрады. Волонтерлікке арнайы киім мен ерекшеленетін белгі болған жағдайда ғана рұқсат етіледі.
Қазақстан жаңалықтары. Соңғы жаңалықтар. Telegram желісінде бізге жазыл!
