Шаяхметовтің ісі сотта ашық жағдайда қаралып жатыр

©Тengrinews.kz

Астанада бұрынғы Білім және ғылым вице-министрі Саят Шаяхметовтің соты басталды. Ол 1,5 миллиард теңге көлеміндегі бюджет қаражатын талан-таражға салғаны үшін айыпталып отыр, - деп хабарлайды Tengrinews.kz.

Астанада бұрынғы Білім және ғылым вице-министрі Саят Шаяхметовтің соты басталды. Ол 1,5 миллиард теңге көлеміндегі бюджет қаражатын талан-таражға салғаны үшін айыпталып отыр, - деп хабарлайды Tengrinews.kz.

Жалғасы

■

Шаяхметовке қатысты соттың кезекті отырысы 23 шілдеде өтеді

16 шілде 2014, 16:11

■

Шаяхметов ісі фигуранттарынан миллиард теңге талап етілді

23 шілде 2014, 12:40

Отырыс Астана қаласының Алматы ауданындағы №2 сотында өтуде. Онда Шаяхметовпен бірге "ҚР салынып жатқан білім және ғылым нысандары дирекциясы" ЖШС директоры Александр Пак пен "ЗАК Сервис" ЖШС басшысы Киреев жауап беруде. Процесті Алматы аудандық сотының төрағасы Бақытбек Сыздықов жүргізіп отыр. Айыпталушылардың қорғаушылары бұқаралық ақпарат құралдарына шектеу қоюға өтініш берсе де, сот отырысын барлығына ашық жағдайда өткізу туралы шешім шығарылды.

Айта кетейік, 2013 жылы Өскемен қаласындағы білім беру мекемесінің құрылысы барысында бюджет қаражатын ірі көлемде талан-таражға салу бойынша қылмыстық іс қозғалған болатын. Сол жылы осы іске қатысы бар деген күдікпен вице-министр Шаяхметов, "ҚР салынып жатқан білім және ғылым нысандары дирекциясы" ЖШС директоры Пак пен "ЗАК Сервис" ЖШС басшысы Киреев ұсталды. Соңғы екеуі қамауға алынса, Шаяхметов үйқамаққа отырғызылды.

Жымқыру Қаржы полициясы Сот төрелігі Білім беру Сыбайлас жемқорлық