+7 (777) 001 44 99
Қазақша
Русский
English
Ақпарат және қоғамдық даму министрі Дәурен Абаев шетелде 60 қазақстандық бар екенін айтты, деп хабарлайды Tengrinews.kz тілшісі.
Алдымен ведомство басшысы Қазақстанға 6 мың турист оралғанын атап өтті.
"Бүгін елге 145 азамат оралады деп жоспарланып отыр. Шетелде шамамен 60 азамат қалып қойды. Олар әртүрлі себепке байланысты біздің көмегімізді алған жоқ. Бұл азаматтарға қатысты жеке жұмыс жүргізіледі", - деді Абаев министр орталық коммуникациялар қызметінде өткен брифингте.
Оның айтуынша, кейбір туристер елге туристік жолдаманың уақытын біткен соң ғана қайтқысы келген.
"Бұл жауапкершіліктің жоқ екенін көрсетеді деп ойлаймыз", - дейді министр.
Осыған дейін министр қазақстандықтарды дүрбелең туғызбауға шақырған болатын.
Соңғы мәлімет бойынша, елімізде коронавирус жұқтырғандардың саны 62-ге жетті.
