+7 (777) 001 44 99
Қазақша
Русский
English
ШҚО ПД тергеушісінің арқасында 26 жыл бұрын жазылған хат өз иесіне жетті, – деп хабарлайды Polisia.kz.
20 мамырда ресейлік Надежда Лаврикова Шығыс Қазақстан облысы ПД тергеу басқармасының аға тергеушісі Айдана Серіковаға алғыс айтып, бейнехабарлама түсірді. Ол 1996 жылы Риддерде болған күйеуінің өлімі туралы қылмыстық істі тергегені үшін қазақстандық тергеушіге алғысын білдірді. Айдана Серікова қылмыс жасаған адамдарды анықтап, процессуалдық шешім қабылдаған.
Аға тергеуші іс материалдарынан марқұмның қызы мен әйеліне жетпей қалған хаттарын тапқан. Айдана Серікова марқұмның жақындарын тауып, оларға 26 жыл бұрынғы хаттарды жіберген.
Тергеуші Надежда Лавриковамен бейнеконференцияға шығып, істің мән-жайын, сондай-ақ қылмыскердің қалай ұсталғанын және туыстарына жетпей қалған хаттар туралы әңгімелеп берген. Кейін ол 26 жыл бұрын жазылған хаттарды марқұмның туыстарына өткізген.
Айдана Серікова бұл хатта бір адамның өмір тарихы, қызы мен жарына деген махаббаты және оларға білдіре алмаған сағыныш сезімі жазылғанын айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
