22 қыркүйек 2019 11:34

ШҚО-да кісі өліміне қатысты қылмыстың 82 пайызы ішімдіктің салдарынан болған

Камила Долаева Журналист

ПОДЕЛИТЬСЯ

Хабар 24 Хабар 24

Шығыс Қазақстан облысында жыл басынан бері 13 мың қылмыс тіркелген, - деп хабарайды Хабар 24.


Шығыс Қазақстан облысында жыл басынан бері 13 мың қылмыс тіркелген, - деп хабарайды Хабар 24.

Адамдарды ауыр қылмысқа итермелейтін басты себептің бірі - ішімдік. Мысалы аймақта кісі өліміне қатысты тіркелген деректердің 82 пайызында адамдардың алкогольдік сусын ішіп, қылмысқа барғаны анықталды. Бұл туралы облыстық полиция департаментінің басшысы Жанарбек Бақтыбаев Алтай және Қатон-қарағай ауданы халқымен кездесуінде мәлімдеді.

Оның айтуынша, Алтай қаласының тұрғындары жыл сайын тек спирттік өнім алу үшін 2 миллиард теңге жұмсайды екен. Бұл қаланың әлеуметтік, мәдениет және спорт саласына бөлінетін қаржыдан 2 есе көп.

Өңірдің бас полицейі қауіпсіздікті күшейтуге байланысты берген тапсырмалармен де таныстырды. Жиыннан соң полиция департаментінің өкілдері халық арасына шықты. Жол бойында қабылдау ұйымдастырылып, тұрғындардың арыз-шағымы тыңдалды. Мәселен, Алтай қаласының халқын жол-көлік апатының жиілеп кеткендігі қатты алаңдатып отыр. Сондықтан олар жол қозғалысын ұйымдастыруға қатаң көңіл бөлінсе деген талап-тілегін жеткізді. Президент Қасым-Жомарт Тоқаевтың тапсырмасына сай билік пен халық арасының жақындауы үшін бұндай бетпе-бет жүздесулердің маңызы зор болмақ.

"Әр түрлі форматтағы кездесулердің маңызы зор. Өйткені осы арқылы халық тәртіп сақшыларының қызметімен жақынырақ таныса алады. Ешқандай қиындықсыз көкейлеріндегі сауалды қойып, ойларын жеткізуге мүмкіндік бар. Барлық көтерілген мәселелер алдағы уақытта ескеріліп, назарға алынады", - деді  облыстық полиция департаментінің басшысы Жанарбек Бақтыбаев.

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети