26 қаңтар 2022 | 15:23

ШҚО-да мұз астына түсіп кеткен жылқылар құтқарылды

Жансая Қадыржанова Корреспондент

Фото:instagram.com/shygysqaz_tjd

Шығыс Қазақстан облысы Ұлан ауданында мұз астына түскен 15 жылқы құтқарылды, - деп хабарлайды Tengrinews.kz тілшісі өңірдің Төтенше жағдайлар департаментінің баспасөз қызметіне сілтеме жасай отырып.

Шығыс Қазақстан облысы Ұлан ауданында мұз астына түскен 15 жылқы құтқарылды, - деп хабарлайды Tengrinews.kz тілшісі өңірдің Төтенше жағдайлар департаментінің баспасөз қызметіне сілтеме жасай отырып.

26 қаңтарда Ақтөбе ауылындағы шаруа қожалығы қызметкерлері құтқарушыларға жүгінген. Олар Ертіс өзені маңында жылқылар жайылып жүргені, 15-і мұз астына түсіп, өз бетінше шыға алмағаны туралы хабарлаған.

"Жылқылар әдеттегідей мұз үстіне шығып, жұқа болғасын, жағаға жете алмай қалды", - деді ШҚО ТЖД жедел-құтқару жасағының жетекшісі Игорь Лапенлавский.

Жылқылар алғашында көмекке келген құтқарушылардан қорыққаны айтылды. Бірақ құтқарушылар оларды шөппен алдап, құтқару арқандарының көмегімен қауіпсіз жерге шығарған.