ШҚО “жеке уақыт белдеуіне“ көшіп жатыр: үкімет бұған қалай қарайды?

Фото ©️ Tengrinews.kz / Турар Казангапов

Вице-премьер – ұлттық экономика министрі Серік Жұманғарин Шығыс Қазақстан облысының кейбір аудандарының "жеке уақыт белдеуіне" көшуіне қатысты пікір білдірді, - деп хабарлайды Tengrinews.kz тілшісі.

Вице-премьер – ұлттық экономика министрі Серік Жұманғарин Шығыс Қазақстан облысының кейбір аудандарының "жеке уақыт белдеуіне" көшуіне қатысты пікір білдірді, - деп хабарлайды Tengrinews.kz тілшісі.

Мәжіліс кулуарында Жұманғарин қазір сағат белдеуі мәселесіне жетекшілік етпейтінін айтты, бірақ өз ойын білдірді.

"Әкімдіктің шешіміне келсек, біз бұл туралы бұрыннан айтып жүрміз. Оларда уақыт пен жұмыс кестесін өзгерту құқығы бұрыннан бар. Қазіргі уақытта осы жұмыстың басталғаны жақсы. Менің ойымша, бұл көптеген мәселені шешеді", – деді Серік Жұманғарин.

Бірқатар ауданның "жеке уақыт белдеуіне" көшу шешімін вице-премьер "дұрыс" деп атады.

Еске салайық, 5 қаңтардан бастап Катонқарағай ауданының 17 ауылы жұмыс күнін 08:00-де бастап, 17:30-да аяқтайтын "жеке" жұмыс кестесіне көшті, ал 24 ақпаннан бастап Марқакөл және Үлкен Нарын аудандарының тұрғындары да осы тәртіпке өтті.

Кеше, 5 наурыздан бастап, Зайсан, Күршім, Тарбағатай және Самар аудандарының тұрғындары да жұмыс күнін бір сағат ертерек бастайтыны белгілі болды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

ШҚО уақыт белдеуі