+7 (777) 001 44 99
Қазақша
Русский
English
Шығыс Қазақстан облысын орман өрті шарпыды: құрғақ шөп табиғи апатқа әкелді, - деп хабарлайды Tengrinews.kz тілшісі.
Оқиға 6 қыркүйекте Катонқарағай ауданындағы Алтынбел ауылынан сегіз шақырым жерде болған.
"Ново-Березовское орман шаруашылығы аумағындағы орманды алқапта 40 гектар аумақта құрғақ шөптер мен бұталар өртенді. Елді мекендерге қауіп төніп тұрған жоқ", - деп хабарлады Шығыс Қазақстан облысының Төтенше жағдайлар департаменті.
Өртті сөндіруге 60-тан аса адам мен бес техника жұмылдырылған. Өртті сөндіруге Төтенше жағдайлар департаменті, орман шаруашылығы, әкімдік пен полиция қызметкерлері айналысты.
"7 қыркүйек күні таңертең қосымша орман шаруашылығының 30 қызметкері көмекке жіберілді", - деп қосты департаменті өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
