Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Шымкент әкімі нашар көшелерге шағымданған тұрғынның видеосына жауап қатты

21 Маусым 2016, 14:08
0
© Шымкент қалалық әкімдігінің баспасөз қызметі
© Шымкент қалалық әкімдігінің баспасөз қызметі

Шымкент қаласының әкімі шаһардағы нашар көшелерге шағымданған тұрғынның видеосын назардан тыс қалдырмады, - деп хабарлайды Tengrinews.kz тілшісі қала әкімінің баспасөз қызметіне сілтеме жасап.

Айта кетейік, таяуда Youtube видеохостингінде Шымкент тұрғыны Руслан Жанпейісовтың тозығы жеткен көшелер туралы қала әкімі Ғабидолла Әбдірахымовтың назарына ұсынған видеосы жарияланған еді. Онда қала тұрғыны тұрғындар үшін шарт-жағдай жасалынбаған Мангельдин көшесіне назар аударуды өтініп, жаяу жүргіншілерге арналған жолдың жоғын, жол шетіндегі гүл дестелерінің қурап қалғанын көрсеткен болатын.

Қала әкімдігі видео авторына өзінің азаматтық жауапкершілігін атқарған тұрғынға алғыс білдірді. "Осыған орай шаһар басшысы салаға жауапты мамандарды бастап, сол көшені тексеруге барды. Көше аумағын бақылаған әкім тез арада аталмыш аумақты ретке келтіріп, тұрғындар үшін қолайлы жағдай жасауды тапсырды", - делінген әкімдіктің хабарламасында. Сонымен қатар, тез арада көше бойындағы құрылыс қоршауы алынып тасталуы тиіс.
Салалық бөлім жауаптылары жуық арада тапсырмалардың толық орындалатындығын жеткізді.


© Шымкент қалалық әкімдігінің баспасөз қызметі


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай