+7 (777) 001 44 99
Қазақша
Русский
English
Қазақша
Русский
English
Құқық қорғаушы және заңгер Айгүл Орынбек Шымкенттегі психоневрологиялық диспансерде науқастарды зорлау дерегі бойынша тергеудің барысы туралы айтты, - деп хабарлайды Tengrinews.kz тілшісі.
17 жастағы жәбірленушінің мүддесін қорғаған адвокаттың айтуынша, іс сотқа жолданып, тергеу жүріп жатыр. Қазіргі уақытта іс бойынша екі фигурант - психоневрологиялық диспансерде санитар болып жұмыс істеген екі күдікті бар.
"Сараптама қорытындысы бойынша, қызметкерлердің ақыл-есі дұрыс және өз әрекеттерін түсінуге қабілетті екені анықталды", - деді Орынбек.
Адвокаттың айтуынша, 17 жастағы жәбірленуші тергеушілер тарапынан қысым көрген.
"Қыз бізге жүгінбей тұрып, тергеушілер оның анасын түсік жасатуға көндірген, ақыры жүктілік тоқтатылған", - деп түсіндірді ол.
Осыған байланысты, адвокаттың айтуынша, әкелікті анықтау мүмкін болмай қалды. Айгүл Орынбек бұл әрекет күдіктілердің кінәсін дәлелдейтін айғақтардан құтылу болуы мүмкін бе еді деп алаңдаушылық білдірді.
"Аборттан кейін жәбірленушінің анасына даму сатысындағы ұрықты көрсеткен, ол адам кейпінде қалыптасып қалған. Тергеуші ең болмағанда ұрықтан талдау үшін шаш үлгісін алса болар еді", - деп қосты ол.
Бүгін Шымкент соты Қылмыстық кодекстің 120-бабы 3-1-бөлігі 1-тармағы ("Зорлау") бойынша қылмыстық істі жабық отырыста қарап жатыр.
Еске салайық, 2024 жылғы қарашада Қазақстанның оңтүстігіндегі Психикалық денсаулық орталығында болған науқастар зорлық-зомбылық туралы хабарлаған.
17 жастағы науқастың анасы қызының жүкті екенін екі айдан кейін білген. Әйелдің айтуынша, оның баласы медицина қызметкерлерінің зорлық-зомбылығына ұшыраған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
