+7 (777) 001 44 99
Қазақша
Русский
English
Шымкентте ер адам бұрынғы әйелінің келісімінсіз көлігін сатқан. Бұл көлік отбасылық өмір барысында ортақ мүлік ретінде алынған. Әйел сотқа арызбен жүгінген, - деп хабарлайды Tengrinews.kz тілшісі.
Әйелдің сотқа түсіндіргеніне қарағанда, ол жауапкермен 2015 жылдан бері некеде болған, алайда 2023 жылы олардың қарым-қатынасы ресми түрде тоқтатылған. Бірге тұрған кезеңде олар Audi 100 C4 автокөлігін сатып алған. Алайда кейіннен ер адамның бұл көлікті бұрынғы әйелінің келісімінсіз сатып жібергені анықталған. Нәтижесінде, әйел өз үлесі үшін өтемақы талап еткен.
Сот процесі барысында тараптар татуласып, келісімге келген. Бұрынғы күйеуі әйелге көліктің жарты құны ретінде 1 200 000 теңге төлеуге келісім берді. Сонымен қатар, ол табысынан ай сайын 10 000 теңгеден аударып тұруға міндеттенді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
