Шымкентте есірткі дүкені мен зертхананың ұйымдастырушысы ұсталды, - деп хабарлайды Tengrinews.kz тілшісі.
Шымкент прокуратурасының үйлестіруімен Шымкент ПД қызметкерлері халықаралық іздеуде жүрген есірткі дүкені мен есірткі зертханасының ұйымдастырушысы Б. есімді азаматты ұстады.
"Сотқа дейінгі тергеп-тексеру басқармасы ұйымдасқан қылмыстық топ мүшелерінің қалада есірткі зертханасын құрғанын, сондай-ақ Telegram әлеуметтік желісіндегі DDD_Shym интернет-дүкені арқылы тыйым салынған заттарды сатқанын анықтады", - делінген хабарламада.
Күдікті УҰИ-ға қамалып, ҚК-нің 297-бабының 4-бөлігімен ("Есірткі, психотроптық заттарды, сол тектестерді өткізу мақсатында заңсыз иемдену, сақтау, тасымалдау, оларды жөнелту не өткізуді қылмыстық топ жасаған") сотқа дейінгі тергеп-тексеру амалдары жалғасып жатыр.
ҚР ҚПК 201-бабының талаптарына сәйкес өзге ақпарат жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
