+7 (777) 001 44 99
Қазақша
Русский
English
Шымкентте жақында егілген гүлдерді қар басып қалды, - деп хабарлайды Tengrinews.kz тілшісі КТК арнасына сілтеме жасап.
Мамандар ойынша, Шымкентте қыста отырғызылған раушан гүлдері мен хризантемалар көктемге дейін өспейді.
"Мен биолог ретінде, бұған қайғырып тұрмын. Өсімдікке өте өкінішті. Оны аздап қазып, тамырын мұқият алғым келді. Бірақ жасай алмадым, өйткені мұз қатып қалған, тамыры жерде қалды", - деді биология ғылымдарының кандидаты Роза Жұмабаева.
Мамандардың айтуынша, мұндай жылуды ұнататын гүлдерді қыс мезгілінде отырғызу қауіпті кәсіп, сондықтан коммуналдық қызметтер көктемді күтуі керек еді. Раушан мен хризантеманы құтқаруға әлі де мүмкіндік бар. Егер оларды жауып қойса, онда бір бөлігі өніп кетуі мүмкін. Бірақ ықтималдығы төмен. Айта кететін жайт, Шымкентте бұған дейін ондаған гүлзарға гүл отырғызылған. Бір ғана Қаратау ауданында бұған 17 миллион теңге жұмсалған.
Бұл ретте әкімдік бұдан еш кемшілік көріп отырған жоқ. Олар гүлзарларға мердігер жауапты екенін атап өтті. Көктемде гүлдер өнбей қалса, олар бәрін қайтадан отырғызады, бірақ өз есебінен.
"Оңтүстік өңір болғандықтан күн жылы, қатты суытпайды. Сондықтан күзде, тіпті қарашада да отырғызады. Қазір гүлдер қурап қалған болып көрінгенімен, бұл көпжылдық өсімдіктер. Мердігер тарапынан жұмысқа кепілдік бар. Сондықтан қанша гүл өлсе, көктемде сонша гүл толықтырылады", - деді Қаратау ауданы әкімі аппаратының бас маманы Есімхан Жүзбаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
