+7 (777) 001 44 99
Қазақша
Русский
English
Әлеуметтік желілерде Шымкент Полиция департаментінің қызметкері әріптесін зорлаған деген ақпарат тарады, - деп хабарлайды Tengrinews.kz тілшісі.
Жазбаларда Еңбекші аудандық жергілікті полиция қызметі бастығының орынбасары Ерлан Жұмановқа қатысты зорлау дерегі бойынша арыз түскені айтылған. Қазіргі уақытта істі Тұран аудандық полиция басқармасы тергеп жатыр, қылмыстық іс ҚР Қылмыстық кодексінің 120-бабы бойынша тіркелген, тиісті сараптамалар тағайындалды.
Сондай-ақ, жарияланымда полиция қызметкері қазіргі уақытта жүкті екені де айтылған.
Осыған байланысты Tengrinews.kz редакциясы Шымкент Полиция департаментіне жүгінді. Полиция департаментінің баспасөз қызметі мәліметінше, әйелдің арызы бойынша қылмыстық іс қозғалған.
"Қазіргі уақытта істің барлық мән-жайын анықтауға бағытталған кешенді тергеу амалдары жүргізіліп жатыр. Тергеу аяқталғаннан кейін процессуалдық шешім қабылданады", – деп хабарлады Шымкент ПД.
Қылмыстық-процестік кодекстің 201-бабына сәйкес, өзге ақпараттар жарияланбайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
