+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Шымкентте Тәуелсіздік күнінің қарсаңында 46 азамат мемлекеттік наградамен марапатталды, - деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
Шымкентте Тәуелсіздік күнінің қарсаңында 46 азамат мемлекеттік наградамен марапатталды, - деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
Мерекелік жиында Шымкент қаласының әкімі Мұрат Әйтенов Тәуелсіздік күні мерекесімен құттықтап, егемендік жылдары Шымкенттің қарыштап дамығанын тілге тиек етті.
"Тәуелсіздік арқасында Шымкент қаласының дамуы жаңа деңгейге көтерілді. Еліміз егемендік алған жылы Шымкентте халық саны 400 мың адам болса, бүгінгі күні 1 миллион адамнан асты. Қала аумағы кеңейіп, 13 мың гектардан 116,3 мың гектарға дейін ұлғайды.
Мұрат Дүйсенбекұлы өз сөзінде қала бюджеті 1994 жылғы 1,0 миллиард теңге болса, бүгінгі күнде 455 миллиард теңгеден асқанын жеткізді. Қала экономикасына 2,6 триллионнан аса инвестиция бағытталған. 1991 жылдан бері 6,1 миллион шаршы метр жаңа тұрғын үй пайдалануға берілгенінен дерек келтірді.
"Қол жеткізген табыстарымыздың барлығы – Тәуелсіздіктің, осы жолда жан аямай тер төккен азаматтарымыздың ерен еңбегінің нәтижесі. Қашанда тәу етер Тәуелсіздігіміз тұғырлы, елдігіміз ғұмырлы болсын", – деді шаһар басшысы.
Салтанатты жиында "Асар" мөлтек ауданынынан 1200 орындық жалпы орта мектеп, "Нұрсәт" мөлтек ауданынан бір ауысымда 500 адамды қабылдайтын "Атамекен" медициналық орталығын және түсті металл мен арматура шығаратын өндіріс орны онлайн форматта ашылды.
Сонымен бірге, салтанатты шарада ҚР Президентінің Жарлығымен, мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін Шымкент қаласының 46 азаматы ҚР Мемлекеттік наградамен марапатталды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
