+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Шымкентте ұялы байланыс операторларына сапасыз қызмет үшін 44 миллион теңгеге айыппұл салынды. Арнайы инспекция қызметкерлері қаладағы байланыс пен интернет сапасы нашар аймақтарды анықтады, - деп хабарлайды Tengrinews.kz тілшісі 24KZ-ке сілтеме жасап.
Шымкентте ұялы байланыс операторларына сапасыз қызмет үшін 44 миллион теңгеге айыппұл салынды. Арнайы инспекция қызметкерлері қаладағы байланыс пен интернет сапасы нашар аймақтарды анықтады, - деп хабарлайды Tengrinews.kz тілшісі 24KZ-ке сілтеме жасап.
Азаматтардың айтуынша, қаланың кейбір аудандарында, әсіресе Қызылқұрт ауданында, ұялы байланыс жиі жоғалып кетеді, ал интернет баяу, бұл адамдардың ашуын туғызады.
Дүкендер маңынан адамдардың телефондарын жоғары көтеріп, байланыс іздеп жүргенін жиі көруге болады. Сигнал жақсырақ болатын жерді іздеп жүргендер көп, дейді сатушы Мейіржан Бердіахмет. Оның айтуынша, мұндай жағдайлар сирек емес.
"Менің клиенттерімде қосымша арқылы төлем жасау кезінде қиындықтар туындайды. Себебі желі нашар жұмыс істейді. QR-кодтармен және аударымдармен де осындай жағдай. Осыған байланысты кейбір клиенттер төлем жасау үшін көшеге шығуға мәжбүр", – дейді ол.
Мониторинг нәтижесінде Шымкентте байланыс нашар немесе мүлде жоқ 45 нүкте анықталған. Бір жыл бұрын мұндай орындар үш есе көп болған. Дегенмен, мәселелер әлі де бар, ал операторлар сапасыз қызметтері үшін миллиондаған айыппұл төлеуге мәжбүр, деп түсіндірді Цифрландыру басқармасының басшысы Мұхит Кемелов.
"Бізде байланыс сапасын бақылаумен айналысатын арнайы орган бар – бұл байланыс жөніндегі өңіраралық инспекция. Осы орган Шымкенттің өзінде үш ұялы байланыс операторына 44 миллион теңге көлемінде айыппұл салды. Осы шараларға қарамастан, жағдай әлі де мінсіз емес. Қаланың шеткі аймақтарында сигнал әлсіз болып тұр", – деді Кемелов.
Мамандардың айтуынша, мәселелерді шешуге халық арасындағы радиофобиялық көңіл-күй де кедергі келтіріп отыр. Алайда, Цифрландыру басқармасы түсіндіру жұмыстарын жүргізіп жатқанын мәлімдеді. Қаланы толық қамту және 5G желісін енгізу 2027 жылға дейін аяқталады деп жоспарланған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
