+7 (777) 001 44 99
Қазақша
Русский
English
Шымкенттегі зообақта түйеқұсты тепкен адам анықталды, - деп хабарлайды Tengrinews.kz тілшісі "Отырар" басылымына сілтеме жасап.
Бұл әрекетті жасөспірім жасаған. Ол зообақтағы тәртіпті бұзғаны үшін жазаланды.
"Құқық бұзушы анықталды – ол кәмелетке толмаған жасөспірім болып шықты. Ол ата-анасының қатысуымен түсініктеме жазып берді және Қазақстан Республикасының заңнамасына сәйкес әкімшілік жауапкершілікке тартылды", – деп мәлімдеді полиция өкілдері.
Еске салайық, жануарларға қатыгездік көрсету оқиғасы 25 мамырда Шымкент зообағында болған.
Зообақ әкімшілігінің мәліметінше, шамамен сағат 18:00-де келушілердің бірі қоршаудан асып өтіп, түйеқұсты теуіп жіберген және әдейі басқа жануарларды қорқытқан. Оқиға куәгері бұл сәтті видеоға түсіріп алған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
