+7 (777) 001 44 99
Қазақша
Русский
English
Шымкентте пойыздардың қозғалысы қалпына келтірілді, - деп хабарлайды Tengrinews.kz тілшісі.
Шымкентте сағат 12.49-да пойыздардың қозғалысы қалпына келтірілді. Бұл туралы ҚР ТЖМ ресми өкілі Талғат Уәли хабарлады.
Еске салайық, 24 қазанда түнде 13 вагон жолдан шығып, аударылып кеткен болатын. Нәтижесінде 7 жолаушылар пойызының қозғалысы кешіктірілді, атап айтқанда:
1. Шымкент станциясында Ақтөбе - Алматы №34 жолаушылар пойызы 9 сағатқа, Қызылорда-Петропавл №76 пойызы 7 сағатқа кешікті.
2. Қорғасын станциясында Қызылорда-Көкшетау № 56 жолаушылар пойызы 5 сағатқа кешікті.
3. Қызылсай станциясында Алматы-Ақтөбе №23 жолаушылар пойызы 8 сағатқа кешікті.
4. Манкент-2 станциясында Алматы - Шымкент №11 жолаушылар пойызы 5 сағатқа, Нұр-Сұлтан-Сарыағаш №85 пойызы 1,5 сағатқа кешікті.
5. Састөбе станциясында Алматы-Ақтөбе № 33 жолаушылар пойызы 1 сағатқа кешікті.
Қозғалысы кешіктірілген пойыздарда 1 393 жолаушы болған. Сонымен қатар, жергілікті атқарушы органдар Шымкент қаласына жолаушыларды тасымалдау үшін 5 шағын автобус пен 2 автобус ұйымдастырды.
Қазақстан жаңалықтары. Соңғы жаңалықтар. Telegram желісінде бізге жазыл!
