+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Шымкент қаласының әкімі Ерлан Айтаханов 31 шілде күні өз орынбасарларын, аудан әкімдерін, салалық басқарма басшыларын жинап, алғашқы жиналысын өткізді. Мегаполис әкімі мәжілістің басында аудандардың және басқармалардың жұмыс бағыттарымен танысты, - деп хабарлайды Тengrinews.kz тілшісі мегаполис әкімдігінің сайтына сілтеме жасап.
Шымкент қаласының әкімі Ерлан Айтаханов 31 шілде күні өз орынбасарларын, аудан әкімдерін, салалық басқарма басшыларын жинап, алғашқы жиналысын өткізді. Мегаполис әкімі мәжілістің басында аудандардың және басқармалардың жұмыс бағыттарымен танысты, - деп хабарлайды Тengrinews.kz тілшісі мегаполис әкімдігінің сайтына сілтеме жасап.
Ерлан Қуанышұлы ең өзекті мәселелердің бірі ретінде қаланың шалғай елдімекендерін дамыту қажеттігін басып айтты. Қажет инфрақұрылымның, атап айтқанда, сапалы ауызсу, газбен жабдықтау, электр қуаты, жол, кәріз жүйелерінің жеткіліксіздігі мәселесін жүйелі түрде шешуді талап етті. Келесі жылдың басымды бағыты ретінде қаланың шалғай елдімекендерін дамытуды айқындады.
"Жергілікті билік, қаланың әр тұрғынына, олардың тұрғылықты мекенжайына қарамастан бірдей жағдай жасауы қажет, яғни, өмір сүруге қолайлы әрі қауіпсіз орта қалыптастыру, бұл - Елбасымыз және Президентіміздің әкімдерге қойған басты талабы", - деп ашып айтты Ерлан Қуанышұлы.
Әкім, сонымен қатар, тұрғындардың мәселелерін жедел әрі сапалы шешу мақсатында аудан әкімдерінің құзыреттерін заң аясында кеңейту қажеттігін атады.
"Аудан әкімдеріне халық мұң-мұқтажын айтып келеді, ал әкімдерде оны шешетін не құзіреті жоқ, не қаражаты жоқ. Халық аудан әкіміне Президенттің өкілі деп сеніп, үміт артып келеді. Олар қарапайым мәселені шеше алмаса, халықтың билікке деген сенімі жоғалады", - деп мәлімдеді әкім.
Осыған орай қаладағы негізгі жобаларды аудан әкімдерімен алдын ала келісуді тапсырды. Бұған қоса бюджеттің тиімсіз жоспарлану фактілерін атап, бюджет шығындарын ішкі резервтерді пайдалана отырып, тез арада оңтайландыруды тапсырды. Қала басшысы, сонымен қатар, атаулы әлеуметтік көмек көрсету сапасын арттыру бойынша жүйелі тапсырмалар берді.
Ерлан Айтаханов 30 шілдеде Шымкент қаласының әкімі болып тағайындалды. Бұл қызметте ол Ғабидолла Әбдірахымовты алмастырды.
