+7 (777) 001 44 99
Қазақша
Русский
English
Таяу күндері Қазақстан аумағына Шығыс Еуропадан антициклон келеді, - деп хабарлайды Tengrinews.kz тілшісі "Қазгидромет" кәсіпорнына сілтеме жасап. Синоптиктер 10-12 желтоқсанға арналған ауа райы болжамын жария етті.
Синоптиктердің мәліметінше, Батыс Сібір мен Қазақстан арқылы өткен атлантикалық циклон республикамыздың солтүстігінде қарлы боран мен желдің күшеюін тудырды, кейбір жерлерде желдің жылдамдығы секундына 36 метрге дейін жетті. Алайда 10 желтоқсанда бұл циклон Батыс Сібірдің солтүстік-шығысына ауысып, Қазақстан аумағына Шығыс Еуропадан антициклон келеді.
"Осыған байланысты таяу күндері қар мен боран және дауыл басылып, есесіне ауа температурасы төмендейді. Дегенмен ол климаттық нормадан жоғары болады, бірақ бұған дейін болғандай 8-13 градус емес, 2-5 градус", - деп хабарлады метеорологтар.
Еске сала кетейік, бұған дейін синоптиктер биылғы қысқа болжам жасаған болатын.
