Синоптиктер алдағы күндері ауа райы қандай болатынын айтты

12 Наурыз 2018, 12:40
0
Синоптиктер алдағы күндері ауа райы қандай болатынын айтты - © Тұрар Қазанғапов
© Тұрар Қазанғапов

Синоптиктер Қазақстанда 13-15 наурыз күндері ауа райы қандай болатынын айтты,- деп хабарлайды Tengrinews.kz тілшісі "Қазгидромет" республикалық-мемлекеттік кәсіпорнына сілтеме жасап.

Cиноптиктердің мәліметінше, алдағы күндері жауын-шашын жауып, күн суытады.

"Алдағы үш күнде республиканың басым облыстары биік циклонның және онымен байланысты атмосфералық фронттың әсерінде болады. Қазақстан аумағынан өтетін атмосфералық фронттар солтүстік бөлігінде қар, оңтүстікте жауын-шашын, соңы қарға айналатын жаңбыр, сонымен қатар, тұман, көктайғақ және температураның төмендеуіне алып келеді. Батыс және солтүстік облыстарда температура климаттық нормадан 3-7 градусқа төмен болады, фронттардың өтуіне байланысты қалған аумақта да күн суытады", - деді синоптиктер.

12-14 наурызда Алматы, Жамбыл, Оңтүстік-Қазақстан облыстары бойынша жауын-жашын (жаңбыр басым), кей жерлерде қатты түсуі күтілуде. Осыған байланысты, мұздық құбылыстардың әлсіреп өзен арналары қысылып (Алматы облысында), жазықтық жерлерде және таулы өзендерде беткейлі ағынның пайда болуы мүмкін. 

Сондай-ақ, 12-13 наурызда Қызылорда облысында Сырдария өзенінде мұздық құбылыстардың әлсіреп, өзен арналары қысылып, судың көтеріліп жайылуы шығуы мүмкін екені айтылады.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай