+7 (777) 001 44 99
Қазақша
Русский
English
Синоптиктер алдағы демалыс күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Синоптиктердің мәліметінше, демалыс күндері күн суытады.
"Қазақстанға Карск теңізі аумағынан суық және ылғулды ауа массалары келеді, сол себептен демалыс күндері күн суытады және жаңбыр күтіледі, солтүстік, орталық және шығыс аудандарда жаңбырдың соңы қарға ауысуы ықтимал. Оңтүстік шығыста жексенбі және дүйсенбі күндері жаңбыр, таулы аймақтарда сулы қар және ауа температурасы үсікке дейін төмендеуі болжанады", - деді синоптиктер.
Батыс облыстарда да ауа райының ауысуы күтіледі. Демалыс күндері жаңбыр және ауа температурасы төмендейді. Егер де максималды ауа температурасы +30+36 болса, сенбі күні +15+20, оңтүстік батыста +23+28, яғни орташа көпжылдық мәндеріне жақын. Территорияның өзге аумақтарында ауа температурасы климаттық мөлшерден 2-6 градусқа төмен болуы мүмкін.
