+7 (777) 001 44 99
Қазақша
Русский
English
Синоптиктер қолайсыз ауа райына байланысты Ақмола облысында ескерту жариялады, - деп хабарлайды Tengrinews.kz тілшісі.
"Қазгидромет" орталығының хабарлауынша, 28 мамырда Ақмола облысында солтүстік-батыстан соққан жел, онтүстік-батысқа ауысады, күші түнде кей жерлерде 15-20, басым бөлігінде күндіз 15-20, екпіні секундына 25 метрге дейін жетеді.
"Түнде кей жерлерде 3 градусқа дейін үсік күтіледі. Күндіз кей жерлерде найзағай, дауыл, бұршақ болуы мүмкін", - деп ескертті мамандар.
Сонымен қатар, Астанада 28 мамырда түнде 2 градусқа дейін үсік күтіледі, күндіз солтүстік-батыстан соққан жел, онтүстік-батысқа ауысады, екпіні секундына 15-20 метр болады. Кей уақыттарда найзағай, дауыл, бұршақ болуы мүмкін.
Еске сала кетейік, бұған дейін Ақмола облысы Щучинск қаласында қар жауғаны хабарланған болатын.
