Синоптиктер 2019 жылғы 6-8 тамызға арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Атмосфералық фронталдық бөліктердің өтуімен алдағы үш тәулікте Қазақстанның басым бөлігінде тұрақсыз ауа райы күтіледі, найзағаймен жаңбыр, желдің күшеюі, дауыл күтіледі, бұршақ болуы мүмкін", - делінген болжамда.
Сондай-ақ, мамандар республиканың оңтүстік және оңтүстік-шығысында жауын-шашынсыз ауа райы болатынын және 35…42°С аралығында ыстықтың сақталатынын болжап отыр.
"Иран аймағынан жылы ауа массаларының шығуымен батыс және солтүстік-батыс аймақтарынан басқа жерлерде 6 тамызда республиканың басым бөлігінде қатты ыстық күтіледі, содан соң Мурманск аймағынан салқын ауа массаларының ағынымен еліміздің солтүстік-батысында, солтүстігінде және орталығында ауа температурасының күндіз 20-25 градусқа дейін біртіндеп төмендеуі күтіледі, кей жерлерде 30 градус жылы болжанады", - делінген хабарламада.
