+7 (777) 001 44 99
Қазақша
Русский
English
Сыртқы істер министрі Қайрат Әдірахманов Сирия бойынша келіссөздер өткізу кезінде Қазақстан қаңдай шығындар шығаратыны туралы айтып берді, - деп хабарлайды Tengrinews.kz тілшісі.
"Мұндай бап әлемнің барлық елдерінің бюджетінде бар. Біз олардың жолына төлемейміз. Біз тек келіссөз алаңын, көлік пен тамақтандыру жағын көтереміз. Ал қонақ үй немесе басқа жерде тұру шығыны делегациялардың өз мойнында", - деді мминистр үкімет отырысынан кейін сұрақтарға жауап беріп.
Әбдірахмановтың сөзінше, алдағы келіссөздерге қатысатындығын Ресей, Иран, Туркия, Иордания және Сирия Араб Республикасының үкімет растады.
"Кепіл мемлекеттердің ұсынысын қабылдаса, сириялық қарулы оппозиция өкілдері келу керек. Ресей делегациясын Сирия мәселесі бойынша РФ президентінің өкілі бастап келеді. Қалған елдерден әлі тізім келмеді", - деп аяқтады министр.
Еске салайық, Астанада 15-16 ақпанда Сириядағы жағдайды реттеу бойынша тағы да отырыстар өтеді. Бұл жолы Ресей тарапы Астанадағы кездесуге АҚШ өкілдерін шақырды.
