Сирия оппозициясының Астанадағы конференциясының қатысушылары Қазақстан Президенті Нұрсұлтан Назарбаев сириялық дағдарысты шешуде медиатор болуды сұрап, үндеу жасамақшы. Бұл туралы кездесуге қатысқан Махмұд Әл-Афанди мәлімдеді, - деп хабарлайды РИА Новости.
"Олардың Назарбаевтан осыны сұрайтыны белгілі, барлық қатысушылар осыған келісті. Қазақстан президенті осы мәселе бойынша Франциямен, Иранмен, Ресеймен диалог бастауы қажет", - деп мәлімдеді Әл-Афанди.
Сонымен қатар, ол келіссөздердің екінші күнінің қорытындысы бойынша қорытынды декларацияның мәтінінің келісілмегенін және талқылаудың 4 қазанға жалғасқанын айтып берді.
Еске салайық, 2-4 қазан аралығында Астанада сириялық реттеу бойынша келіссөздердің екінші раунды өтіп жатыр. Бірінші раунд Астанада 25-27 мамыр аралығында өткен еді.
