"СҚ-Фармация" компаниясының басқарма төрағасы Ерхат Есқалиев Instagram-да жариялаған Ксения Собчакпен түскен фотосына қатысты пікір білдірді, - деп хабарлайды Tengrinews.kz тілшісі.
"Биыл сәуірде сіздің Instagram-дағы парақшаңызда жұбайыңыз бен Ксения Собчакпен түскен сурет жарияланды. Кейін Instagram парақша жойылды. Бүкіл ел төтенше жағдай режимінде отырғанда сіз банкеттен сурет жарияладыңыз, осыны қалай түсіндіре аласыз?" - деп сұрақ қойды журналист.
Ерхат Есқалиев сурет 7 жыл бұрын түсірілгенін айтты.
"Ол жерде салмағым 135 келіге жуық болған, қазір 105. Өткен жылы өкпеме күрделі операция жасалды. Фото біз үйде жүргенде карантин кезінде жарияланды. Сурет іс-шарада түсірілген. Танымал адаммен суретке түскім келді, басқа ештеңе емес", - деп жауап берді ол.
Қазақстан жаңалықтары. Соңғы жаңалықтар. Telegram желісінде бізге жазыл!
