+7 (777) 001 44 99
Қазақша
Русский
English
СҚО-да 50 жылқы көлге батып өлді, - деп хабарлайды Tengrinews.kz тілшісі Петропавловск.news-ке сілтеме жасап.
2 желтоқсанда СҚО Айыртау ауданының полиция бөліміне Әлжан ауылында 50 жылқы жоғалғаны туралы хабарлама келіп түскен.
Жылқылар СҚО Айыртау ауданы Әлжан ауылының тұрғындарына тиесілі екені анықталды. Жануарлар 27 қарашада еркін жайылымнан жоғалып кеткен.
"Іздеу барысында жоғалған жылқылар мұздың ішінде қатқан күйінде Барчи көлінен табылды. Алдын ала болжам бойынша, жылқылар бақташы болмаған кезде көлдегі мұз үстімен жүрген. Кейін мұз жарылып, суға батып кеткен", - делінген хабарламада.
Бұл дерек бойынша Айыртау ауданының полиция бөлімінде тергеу басталды.
Қазіргі уақытта полицейлер болған оқиғаның барлық мән-жайын тексеріп, нақты қанша жануар өлгенін анықтап жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
