24 қыркүйек 2018 | 17:43

СІМ өкілдері Ауғанcтан-Пәкістан шекарасында қаза тапқандардың балаларын іздестіріп жатыр

Мөлдір Қалықова

ҚР Сыртқы істер министрлігінің өкілдеріне 2012 жылы Ауғанcтан-Пәкістан шекарасында ата-анасы қаза тапқан қазақстандық балалар жайлы расталмаған мәлімет келіп түсті, - деп хабарлайды Tengrinews.kz тілшісі.

ҚР Сыртқы істер министрлігінің өкілдеріне 2012 жылы Ауғанcтан-Пәкістан шекарасында ата-анасы қаза тапқан қазақстандық балалар жайлы расталмаған мәлімет келіп түсті, - деп хабарлайды Tengrinews.kz тілшісі.

"Біз Ғанибет Тажмағамбетованың Сыртқы істер министрлігіне жиендерін елге қайтару туралы ресми түрде өтініш қалдырғанын растаймыз. Министрлік өкілдері Сириядағы, Ыстамбұлдағы және Иорданиядағы консулдықтың өкілдеріне осы мәселе бойынша қажетті шаралар қолдануды тапсырды. Бұл мәселе министрліктің бақылауында. Нақты мәлімет шыққанда хабарлаймыз", - деді СІМ баспасөз қызметінің басшысы Айбек Смадияров.

Еске сала кетейік, мұның алдында қарағандылық отбасының Ауғанcтан-Пәкістан шекарасында қаза тапқаны жайлы хабарланған болатын.