Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Смайылов әкімдерге ескерту жасады 09 тамыз 2022, 12:27

Премьер-министр Әлихан Смайылов тұрғындармен бетпе-бет кездесу өткізгісі келмейтін әкімдерге ескерту жасады, - деп хабарлайды Tengrinews.kz
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Премьер-министр Әлихан Смайылов тұрғындармен бетпе-бет кездесу өткізгісі келмейтін әкімдерге ескерту жасады, - деп хабарлайды Tengrinews.kz тілшісі.

Үкімет отырысында Смайылов халықпен тікелей кездесулер өткізу және кездесу туралы баспасөзде алдын ала хабарлау Президент тапсырмасы екенін атап өтті.

Ол аймақтардағы министрлермен кездесуде азаматтарды ұялы байланыс пен интернет сапасы, электрлендіру мен газдандыру, ауызсумен қамтамасыз ету және әлеуметтік мәселелер көбірек қызықтыратынын айтты.

"Жаңа форматтағы отырыстарға сәйкес бұл мәселелер шешімі мемлекеттік органдардың ресми интернет-ресурстарында да орналастырылады. Барлық деңгейдегі әкімдер халықпен кездесу өткізгеннен кейін мәслихат сессияларында оларды қаржыландыру мүмкіндігін ескере отырып, мәселелерді жүйелейді.

Кейбір өңірлерде жиналыстарды өткізудің жаңа форматына әлі бейімделе қойған жоқ. Кездесулерге еркін қатысу принципін сақтау керек. Мемлекет басшысы "еститін мемлекет" қағидасының маңыздылығына тоқталды. Біз халық мәселесін, олардың сын-пікірлерін тыңдауымыз керек", - деді премьер-министр.

Ол барлық деңгейдегі әкіммен өткен кездесулерде тұрғындар тарапынан 30 мыңға жуық сауалдар мен ұсыныстар көтерілгенін нақтылады.

"Бұл мәселелерді шешу қажет. Халық өздері көтерген мәселелер шешімін тауып жатқанын көруі керек. Жыл аяғына дейін орталық және жергілікті органдар бекітілген формат пен кестеге сәйкес халықпен кездесуді жалғастырады.

Қолда бар заманауи коммуникациялар мен ресурстарды пайдалана отырып, әрбір отырыс бұрын атқарылған істерді, басқа мәселелердің қалай шешілетінін көрсете отырып, кеңінен қамтылуы керек", - деп тапсырды премьер-министр.

Сондай-ақ, ол түйткілді мәселелерді жедел шешуге баса назар аударуды, ал Ұлттық экономика және ақпарат министрліктеріне тұрғындар тарапынан көтерілген барлық мәселені бір жүйеге келтіріп, оларды шешу бойынша іс-шаралар жоспарын бекітуді тапсырды.

"Республикалық және жергілікті бюджет жобаларын қалыптастыру немесе нақтылау кезінде тұрғындардың жиналыстарда көтерген мәселелерін ескеру қажет екеніне назар аударғым келеді", - деп қосты Смайылов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram