+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүкіл отбасымен бірге қатысуға болатын Summer Run кешкі жылы қалада жүгіру жарысы 17 шілдеде өтеді, - деп хабарлайды Tengrinews.kz тілшісі.
Бүкіл отбасымен бірге қатысуға болатын Summer Run кешкі жылы қалада жүгіру жарысы 17 шілдеде өтеді, - деп хабарлайды Tengrinews.kz тілшісі.
Қолжетімді қашықтықтар: 12 шақырым, 8 шақырым скандинавиялық жүріс, 500 метрге, 1 және 3 шақырымға балалар жарысы (6 жастан асқан балалар).
Жарыс "Almaty ARENA" мұз сарайының аумағында өтеді және қатысушыларды күннің батуының әдемі көрінісімен қуантады. Тіркелу almaty-marathon.kz сайтында қолжетімді.
"Summer Run" – біздің дәстүрлі жазғы кешкі жарысымыз, онда біз қатысушылардың арасында балаларымен бірге жүгіретін әуесқой спортшыларды көруге қуанышты боламыз", – дейді "Бірінші болу – батылдық" корпоративтік қорының директоры Салтанат Қазыбаева.
12 шақырым, 3 шақырым, 1 шақырым, 500 метр қашықтықтарда жас санаттарындағы жеңімпаздар медальмен, грамотамен, ақшалай және бағалы жүлделермен марапатталады. Жарыстың мәреге жеткен барлық қатысушылары естелік медалін алады.
"Қазақстанда 2022 жыл "Балалар жылы" болып жарияланды, осыған байланысты біз қала тұрғындарының назарын балалар спортын дамытуға аударғымыз келеді. Біздің іс-шараларымызда өткен Tau Jarys ойлы-қырлы жерлермен жүгіру жарысына, сондай-ақ алдағы Turkistan Marathon және таяу уақытта өтетін Summer Run жарыстарына балалар қашықтықтарын қостық. Сонымен қатар, үстіміздегі жылдың сәуір айының басында жастарды салауатты өмір салтына және спортқа көбірек тарту мақсатында жоғары сынып оқушылары мен студенттер арасында қысқа қашықтықтарға JANA TOLQYN жарысын өткіздік. Біз өскелең ұрпақтың дені сау әрі мықты болып өсетініне сенеміз, - дейді Салтанат Қазыбаева.
Сонымен қатар, қазіргі уақытта 7 тамызда өтетін Visa Tour of World Class Almaty велосипед жарысына, 25 қыркүйекте өтетін "Алматы марафонына" және 30 қазанда өтетін Turkistan Marathon жарысына тіркелудің ашық екенін естеріңізге саламыз.
Барлық жарысқа тіркелу almaty-marathon.kz сайтында жүреді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
