+7 (777) 001 44 99
Қазақша
Русский
English
Ішкі істер министрлігі қазақстандық жасөспірімдер ата-анасына тәуелділік тудыратын дәрі-дәрмек туралы ескерту жасады, - деп хабарлайды Tengrinews.kz тілшісі.
"Дәріханаларда құрамында есірткі және тәуелділік тудыратын элементтері бар дәрілер сатылады. Ең қауіпті дәрі-дәрмектердің бірі - "Трамадол", синтетикалық опиоидты анальгетик немесе героиннің синтетикалық опиоды. "Трамадол" - нашақорлықтың басталу нүктесі.
Бұл қауіпті, өйткені дәрі әсері кең тараған екі әлеуметтік ауру - суық тию немесе улану белгілерінде көрінеді. Егер жасөспірім дәріні қолданса, ата-ана мұны байқамауы мүмкін, балаға суық тиді немесе уланған деп ойлауы мүмкін. Бұған назар аудару керек", - деді ІІМ брифингінде есірткі қылмысына қарсы іс-қимыл департаменті басқармасының бастығы Бақытжан Әмірханов.
Оның айтуынша, "Трамадолдан" басқа да, жасөспірімдер эйфория үшін қолданатын дәрі-дәрмектер бар.
"Бұл "Тропикамид" және "Цикломед" көзге арналған тамшылары. Бұрын бұл препараттар тыйым салынған есірткі заттары тізіміне кірмеген және полицияның юрисдикциясына түспеген. Маусымда Үкімет қаулысы бойынша бұлар күшті дәрілер тізіміне енгізілді. Бұл полицияға осы препараттардың айналымын бақылауға алуға және заңсыз айналым үшін адамдарды жауапкершілікке тартуға мүмкіндік береді", - деді Әмірханов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
