+7 (777) 001 44 99
Қазақша
Русский
English
Шығыс Қазақстан облысында 2014 жылы туризм саласында тіркелген 300 нысанда 3,2 миллиард теңгенің қызметі көрсетілді, - деп хабарлайды Tengrinews.kz тілшісі облыстың ақпараттық орталығына сілтеме жасап. Бұл көрсеткіш шетелге барып демалушылардың қатары азайып, Шығыс Қазақстанға баратын отандық және шетелдік туристердің саны артқанын білдіріп отыр.
ШҚО туризм және сыртқы байланыстар басқармасының басшысы Ержан Сембиновтің мәліметінше, шетелге барып демалушы отандық туристер 7322 адамға (37,8 пайызға) азайып, аймаққа келіп демалушы отандық және шетелдік туристердің саны 162 833 (9 пайыз) адамға артқан. Оның сөзіне қарағанда, 2014 жылы Шығыс Қазақстан облысында туризм саласында тіркелген 300 нысанда 3,2 миллиард теңгенің қызметі көрсетілген. Айта кетейік, бұл көрсеткіш - жергілікті бюджеттің 1,3 пайызына тең.
"Шығыс Қазақстан облысы - еліміз бойынша отандық және шетелдік туристердің көптеп келетін аймағы. Меймандардың басым бөлігі "Рахман қайнарлары" шипажайына, "Нұр Бұлақ" демалыс үйіне, Алакөлге барып демалады", - деді Сембинов.
