+7 (777) 001 44 99
Қазақша
Русский
English
ОҚО-да ер адам мешітте өзіне қол салмақшы болды, деп хабарлады tvk-uko.kz.
Оқиға 26 қаңтарда Сайрамның кішігірім мешітінде болды. Жергілікті молда Тұрсынқожа Ханқожаевтың айтуынша, бұл жайт сағат 16.20-да болған. Ол мешітке келушілердің бірін кішкентай бөлмеден көріп қалған, оның қолдары мен мойны тілік, үсті-басы қан болыпты.
Ол ер адамды үйіне жіберуге тырысқан, себебі ол ақылға қонымсыз әрекеттер жасаған және үйіне қайтудың орнына газ жүріп тұрған құбыршекті жұлып алып, газды өзіне бағыттап, жағып жіберген. Егде жастағы молда өртеніп жатқан ер адамның үстіндегі отты өшіріп, жедел жәрдемді, өртсөндірушілерді және полицияны шақырды.
"Үстіндегінің барлығы жана бастады - күртесі, қолдары, беті тіпті көрінбей қалды. Абдырап қалдым, сөндіре бастадым, адамдарды көмекке шақырдым. Содан кейін жедел жәрдем шақырдым. Олар келгенше ер адаммен сөйлестім, одан неге былай істегенін сұрадым, ол көпшіліктің назарын өзіне аудартқысы келгенін айтты. Ол мешітке бұрыннан келіп жүр, ішімдікке әуес, отбасында қиындықтар болған", - деді молда.
Ер адамның діни әуестігіне қатысты қойылған сұрақтарға куәгерлер оның басты проблемасы ішімдік екенін айтты. Қатты күйіп қалған ер адам Шымкеттегі қалалық бірінші ауруханаға жеткізілді, алайда бірден гипербариялық оттектеу орталығының күйік бөлімшесіне ауыстырылды.
