Сыртқы істер министрі Польшадағы Қазақстан елшісін жазалау ұсынысына қатысты пікір білдірді

"Мәселе мемелекеттік қызметкердің әдебін бұзу жайында. Министрлік бұл мәселені қарастыру ісін байыппен қабыл алды. Министрлікте заңбұзушылықтарға төзімділік таныту мүлде жоқ. Біз қазір жоғары тұрған инстанциядан келетін материалдарды күтіп отырмыз", - деді Қайрат Әбдірахманов.

Еске салайық, Нұрсұлтан Назарбаевқа Қазақстан Республикасының Польшадағы Төтенше және өкілетті елшісі Алтай Әбибуллаевты қызметке сәйкестігі толық еместігіне қатысты ескерту түріндегі тәртіптік жаза қолдану жөнінде ұсыныс түскен болатын.