+7 (777) 001 44 99
Қазақша
Русский
English
Алматы әкімі Ерболат Досаев қала тұрғындарымен, атап айтқанда Бостандық ауданының тұрғындарымен кездесу өткізді, - деп хабарлайды Tengrinews.kz тілшісі.
Кездесуге келген алматылық тұрғын әкімнің қабылдауына "Есімов, Байбек және басқа да әкімдер кезінен бері" кіре алмай жүргенін айтты.
"Таңертеңнен ешкімді алдамай-ақ қояйық: сіз менде болдыңыз. Бірақ, өкінішке қарай, сіз бен біз сіздің жер учаскелеріңізге қатысты жеке мәселелерді талқыладық. Бұл жеке екі учаске болды, сіз жол сұрадыңыз..."- деді әкім.
Әйел жеке мәселелері бойынша келгенін мойындап, бұл істің аяқталмағанын мәлімдеді.
Ерболат Досаев тұрғынды қандай мәселелер алаңдататынын сұрап, өз орынбасарларына тиісті тапсырма беретінін айтты. Алматылық әйел өзінің жер телімі арқылы өтетін жол құрылысы мен электр желісін тарту мәселесін шешу қажеттігін жеткізді.
Ерболат Досаев Бостандық ауданының әкімі Санжар Алин бұл жағдайдан хабардар екенін және мәселені шешуге көмектесетінін атап өтті.
"Заң аясында қандай қолдау көрсетуге мүмкіндік болса, көрсетеміз. Бірақ сіз үшін арнайы жол салып бермеймін. Өкінішке қарай. Кешіріңіз. Дегенмен, бас жоспарға сәйкес, егер жол құрылысы қарастырылған болса, бәрі жоспарлы түрде жүзеге асады. Өкінішке қарай, қызыл сызықты өзгерте алмаймын", – деді әкім.
Әйел қарсылық білдіре бастаған кезде, әкім тікелей сұрақ қойды: "Жол салу керек пе?"
"Иә", – деп жауап берді ақыры алматылық тұрғын.
"Жоспар бойынша қарастырамыз", – деп түйіндеді Ерболат Досаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
