+7 (777) 001 44 99
Қазақша
Русский
English
Қостанай облысында медицина қызметкері блокбекет арқылы жүк тасымалдап бара жатқан ер адамды екі күндік карантинге жатқызамын деп қорқытты. Видео Желіде тарады, - деп хабарлайды Tengrinews.kz тілшісі.
Facebook-тегі "Ватсап Қазақстан" тобының парақшасында оқиғаның кадры жарияланды. Медицина қызметкері жүргізушіден қандай жүк алып бара жатқанын сұрайды. Неліктен сұрағанын білгісі келген жүргізушіге: себебі, "блокбекетте тұрмын" деді медициналық қызметкер.
"Командир тұр, не алып бара жатқанымды оған айттым. Медицина қызметкерлері қандай жүк деп неліктен сұрайды? Мен таңғалып отырмын", - деп жауап берді жүргізуші.
Содан соң медқызметкер қорқыта бастады.
"Мен қазір сізді екі күнге карантинге жатқызамын. Құқығым бар. Көлікті қалдырасыз және карантинге барасыз", - деді әйел.
Қостанай облысы Денсаулық сақтау басқармасындағылар оқиғаның Жітіқара блокбекетінде болғанын айтты.
"Медицина қызметкері жүргізуші өзін дөрекі ұстағаны үшін эмоцияға берілгенін түсіндірді. Өзінің қызметтік міндеттерін орындап тұрған мамандардың - полицейлер мен медқызметкерлердің көліктен түсіңіз деген өтінішіне тіл тигізіп жауап берген. Конфликт туғызуға ұмтылған. Бекет қызметкерлеріне кабинаға отырып, қызмет көрсетуін талап еткен. Оның талаптары дөрекі формада болған", - деп түсіндірді ведомстводағылар.
Дегенмен медицина қызметкері жазаланған.
"Оған тәртіптік жаза - сөгіс жарияланды. Ол өзінің кінәсін, оның ішінде лауазымдық өкілеттігін асыра пайдаланғанын және әдеп нормаларын бұзғанын мойындады", - деп түсіндірді ведомстводағылар.
Қазақстан жаңалықтары. Соңғы жаңалықтар. Telegram желісінде бізге жазыл!
