+7 (777) 001 44 99
Қазақша
Русский
English
Қазақша
Русский
English
Үлкен және Кіші Талдыкөлде экосаябақ ашылады, оған бір миллиард теңге көлемінде қаржы бөлінді, - деп хабарлайды Tengrinews.kz тілшісі елорда әкімдігінің баспасөз қызметіне сілтеме жасап.
Қазіргі уақытта (Е-10 көшесі "Зеленый квартал" тұрғын үй кешеніне қарама-қарсы) Кіші Талдыкөлде су балансын сақтау және толықтыру арқылы демалыс аймағын құруға жобалық-сметалық құжаттама әзірленіп жатыр.
Сурет: Нұр-Сұлтан қаласы әкімдігінен
"Ол үшін миллиард теңге көлемінде қаржы бөлінді. Жоба су қоймасын абаттандыруды көздейді: су қоймасының бойында табиғи судың және қажетті экожүйені жасайтын тас жағалау болады. Сондай-ақ, су деңгейін сақтап және оттегімен қанықтыруды қамтамасыз ету үшін аэрациялау және биодренаж жүйесін ұйымдастыруды қарастырады", - делінген хабарламада.
Сондай-ақ, жаяу жүргіншілер инфрақұрылымы пайда болатыны айтылды: жағалаудағы сулы-батпақты жерлерде террассалы жағалау, флора мен фаунасы бар экоклимат үшін жағдай жасалады.
Сурет: Нұр-Сұлтан қаласы әкімдігінен
"Талдыкөлдің өзінде (Үлкен Талдыкөл) экологиялық инфрақұрылым болады. Елімізде ерекше қорғалатын және орманды аймақтары бар тұңғыш табиғи саябақ пайда болады", - деп қосты әкімдік өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
