+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы облысында Талғар өзеніндегі селден қорғайтын бөгет сел ағынын ұстап қалды , - деп хабарлайды Tengrinews.kz тілшісі ҚР ІІМ ТЖК баспасөз қызметіне сілтеме жасап.
Алматы облысында Талғар өзеніндегі селден қорғайтын бөгет сел ағынын ұстап қалды , - деп хабарлайды Tengrinews.kz тілшісі ҚР ІІМ ТЖК баспасөз қызметіне сілтеме жасап.
"Бүгін сағат 13.50-де Іле Алатауындағы жаңбырдан Талғар өзені деңгейінің секундына 27 текше метрге дейін көтерілуіне әкелген сел жүрді. Сел тасқынын Талғар өзеніндегі селден қорғайтын бөгет ұстап қалды. Бөгетке зақым келген жоқ, оның бұзылу қаупі жоқ. Жағдай ведомствоның қарауында", - деп жазылған хабарламада.
"Спутник" лагерінен эвакуацияланған 515 адам негізгі корпусқа оралды. Талғар ауданының халқын құлақтандыруға екі техника мен 30 адам жұмылдырылды. Олардың ішінде Талғардағы № 2 мамандандырылған өртке қарсы күрес бөлімі, Талғар ауданындағы ІІБ 12 экипажы, "Қазселденқорғау" ММ алты қызметкері бар. Хабарландыру жұмысы дабылды құрылғысы арқылы жүргізілді.
Осыған дейін Талғар өзенінің жоғарғы жағында тұратын адамдарды эвакуациялау басталғаны хабарланған болатын. Өзеннің гидропосттан төменгі ағысында шығын секундына 27 текше метр болды. Айта кетейік, қауіпті шығын - секундына 45 текше метр.
Сонымен қатар, тұрғындарға гидрологиялық иммараттан су тасқыны болатыны жөнінде SMS-хабарламалар жіберіліп жатыр. "25.07.2015ж. Алматы обл., Талғар аңғарында жаңбырлы сел болу қаупі бар", - деп жазылған хабарламада.
