+7 (777) 001 44 99
Қазақша
Русский
English
Қазақша
Русский
English
Ішкі істер министрінің бұрынғы орынбасары, Сенат депутаты Марат Қожаев Талғарда жасөспірімнің айуандықпен өлтірілуіне қатысты журналистердің заңдарды қатаңдату туралы сұрағына жауап берді, - деп хабарлайды Tengrinews.kz тілшісі.
Оның ойынша, заңдарды қатаңдатудың қажеттілігі жоқ.
"Мен сіздерге бір нәрсені айтайын: біздің заңдарымыз жеткілікті түрде қатаң. Қоғамдағы қатыгездік немесе зорлық-зомбылық мәселесін заңнаманы қатаңдату арқылы шешу менің ойымша, нәтижесіз көрінеді. Бұл шын мәнінде әлеуметтік мәселелердің тұтас кешені. Тәрбиеден, білімнен, қандай қоғамда тәрбиеленіп жатқанынан бастап", - деді Қожаев Сенат кулуарында.
Мысал ретінде ол заңнамасы қатаңырақ елдерді келтірді.
"Заңдары біздегіден қатаң елдер бар. Білесіздер, біздің қасымызда үлкен көрші – Қытай Халық Республикасы бар, онда адамдар нақты қылмыстары үшін алаңда атылады. Соған қарамастан қылмыстар бар", - деп қосты сенатор.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
